Surxondaryoda I-XII asrlarga oid yodgorlik bog'dorchilik uchun berib yuborilgani aniqlandi
Oqibatda obyektga 13 mlrd so'mlik zarar yetkazilgan
Bosh prokuratura maʼlumotlariga ko‘ra, Denov tumani fermer xo‘jaliklariga yer uchastkalarini berish masalalarini ko‘rib chiquvchi komissiya tomonidan “Qoraxon” mahallasida joylashgan I-XII asrlarga oid “Markaztepa” arxeologiya yodgorligi (0,21 gektar) qonunchilik talablariga zid ravishda bog‘dorchilik uchun fuqaroga berilgani aniqlandi.
Oqibatda, fuqaro tomonidan ushbu tarixiy yodgorlikning 630 metr kub hajmdagi hududi buzib tashlanib, obyektga juda ko‘p miqdorda 13 mlrd so‘m zarar yetkazilgan.
Takidlanishicha, tegishli mansabdor shaxslar va boshqalarga nisbatan jinoyat ishi qo‘zg‘atilib, tergov harakatlari olib borilmoqda.
