Qoraqalpog‘istonda 14,2 mlrd so‘mlik byudjet mablag‘larida moliyaviy xato va kamchiliklar aniqlandi
Qoraqalpog‘istonda byudjet mablag‘larining asossiz ravishda ishlatilishi, xususan, tovar-moddiy boyliklarni belgilangan narxidan qimmatga sotib olinishi hamda qurilish ishlariga ortiqcha mablag' sarflangani aniqlandi
Hisob palatasi maʼlumotlariga ko‘ra, Qoraqalpog‘iston Iqtisodiyot va moliya vazirligi tomonidan asossiz ravishda mablag‘larni xarajatlar smetasini shakllantirish jarayonida byudjet tashkilotlariga ajratib bermasdan markazlashtirgan holda jamlanib, keyinchalik boshqa yo‘nalishlarga qayta taqsimlangani aniqlangan.
Qayd etilishicha, o‘tkazilgan o‘rganishda markazlashtirilgan mablag‘lardan tanlov asosida 102 mlrd so‘mning sarflanishi tekshirilganda 14,2 mlrd so‘mlik moliyaviy xato va kamchiliklar mavjudligi aniqlangan.
Shuningdek, 71,2 mlrd so‘mlik qurilish va taʼmirlash ishlarini bajarishda 7,5 mlrd so‘mlik asossiz ortiqcha mablag‘lar olingan hamda sifatsiz ishlar bajarilgan bo‘lsa, 30,8 mlrd so‘mlik asosiy vositalar va tovar-moddiy boyliklar 6,7 mlrd so‘mga qimmat narxlarda xarid qilingan.
