Jizzaxda Cobalt va Lacetti to‘qnashishi oqibatida haydovchilar vafot etdi
Shuningdek, 3 nafar yo‘lovchi og‘ir tan jarohatlari bilan jonlantirish bo‘limiga yotqizilgan
Jizzax viloyati IIB JXX YHXB axborot xizmatining xabar berishicha, 15-iyul kuni soat 06:45 larda, Sharof Rashidov tumanida1988-yilda tug‘ilgan haydovchi Lacettini boshqarib borayotib qarama-qarshi yo‘nalishda harakatlanib kelayotgan, 1993-yilda tug‘ilgan haydovchi boshqaruvidagi Cobaltning yo‘liga chiqib ketishi oqibatida to‘qnashib YTH sodir qilgan.
Oqibatda Lacetti va Cobalt haydovchilari og‘ir tan jarohatlari bilan voqea joyida vafot etgan. Shuningdek, ushbu transport vositalarida bo‘lgan 3 nafar yo‘lovchilar ham og‘ir tan jarohatlari bilan jonlantirish bo‘limiga yotqizilgan.
Hozirda mazkur holat yuzasidan Sh.Rashidov tumani IIB TB tomonidan tergov harakatlari olib borilmoqda.
