Qibrayda 2,5 gektar maydonda yong‘in sodir bo‘ldi
Yong‘in 3 ta qutqaruv ekipaji yordamida yarim soatda o‘chirilgan.
Toshkent viloyati Qibray tumanidagi 2,5 gektar ochiq maydonda quruq o‘t yonishi natijasida yong‘in sodir bo‘ldi.
FVV xabariga ko‘ra, 4-iyul kuni soat 15:25 da Toshkent viloyati Qibray tumani “Yuqori-yuz” MFY Yuqori-yuz ko‘chasida ochiq maydonda yong‘in sodir bo‘layotganligi to‘g‘risida FVB xabar tushgan. Shunga ko‘ra 3 ta yong‘in-qutqaruv ekipaji soat 15:30 da voqea joyiga yetib borib, yong‘in soat 15:35 da o‘rab olingan va soat 15:50 da to‘liq o‘chirilgan.
Qayd etilishicha, yong‘in natijasida 2,5 gektar ochiq maydonda quruq o‘t yongan. Hodisa oqibatida tan jarohati olgan va halok bo‘lganlar yo‘q. Hozirda yong‘in sababi aniqlanmoqda.
