O‘zbekistonda bayram kunlari tibbiyot muassasalari 24 soat ishlaydi
Respublika bo`yicha 40 ming nafardan ziyod tibbiyot xodimlari navbatchilik asosida aholiga xizmat ko‘rsatadi
O‘zbekistonda 28-iyundan 2-iyulga qadar tibbiyot muassasalari tun-u kun ishlaydi. Bu haqda Sog‘liqni saqlash vazirligii matbuot xizmati xabar berdi.
Qayd etilishicha, ushbu dam olish kunlarida quyidagi davolash-profilaktika muassasalarining 40 ming nafardan ziyod tibbiyot xodimlari navbatchilik asosida aholiga xizmat ko‘rsatadi:
-
1267 ta ko‘p tarmoqli va oilaviy poliklinika,
-
1080 ta oilaviy shifokor punkti,
-
1002 ta mahalla tibbiyot punkti,
-
tuman, viloyat va respublika shifoxonalari,
-
ixtisoslashtirilgan tibbiyot markazlari,
-
tibbiyot oliy o‘quv yurtlari klinikalari.
Shuningdek, Respublika shoshilinch tibbiy yordam ilmiy markazi, uning hududlardagi 13 ta filiali, tumanlardagi 181 ta shoshilinch tibbiy yordam qabul bo‘limi hamda tumanlararo qo‘shma shikastlanishlar va o‘tkir qon-tomir kasalliklari markazlarida 24 soat davomida navbatchi shifokor va hamshiralar faoliyat yuritadi.
Bundan tashqari, O‘zbekiston bo‘yicha 2755 ta tez tibbiy yordam brigadasi aholidan bo‘ladigan chaqiriqlar asosida 24 soat xizmat ko‘rsatadi. Shu bilan birga, 27 ta tug‘uruq, 245 ta bolalar davolash muassasaci ham uzluksiz ish olib boradi.
