Sergelidagi dala maydonida yong‘in yuz berdi
Voqea joyiga 2 ta yong‘in-qutqaruv ekipaji yuborilgan.
Bugun, 18 iyun kuni Toshkent shahrining Sergeli tumanidagi dala maydonlarining birida yong‘in sodir bo‘ldi. Bu haqda Favqulodda vaziyatlar vazirligi xabar berdi.
Qayd etilishicha, soat 20:06 da Toshkent shahar Sergeli tumani “Bobur” MFY hududidagi taxminan 300 kvadrat metr ochiq maydonda quruq o‘t va xashaklar yongan.
Shunga ko‘ra, 2 ta yong‘in-qutqaruv ekipaji soat 20:18 da voqea joyiga yetib borib, yong‘in soat 20:38 da o‘rab olingan va soat 20:42 da bartaraf etilgan.
Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.
