Yunusobod dehqon bozorida do‘kon va dorixona yonib ketdi — video
Kecha Qarshidagi bozorda yong‘in chiqqandi. Shuningdek, Qashqadaryoda ombor yonib ketgandi.
FVV Yunusobod tumanida sodir bo‘lgan yong‘in to‘g‘risida maʼlumot berdi.
Bugun, 8 iyun kuni soat 12:50 da Toshkent shahar Yunusobod tumani A.Temur ko‘chasida joylashgan do‘kon va dorixonada yong‘in sodir bo‘lganligi to‘g‘risida shahar FVBga xabar tushgan.
Shunga ko‘ra, 5 ta yong‘in-qutqaruv ekipaji soat 12:58 da voqea joyiga yetib borib, yong‘in soat 13:04 da o‘rab olingan va soat 13:09 da o‘chirilgan.
Yong‘in natijasida dastlabki maʼlumotlarga ko‘ra do‘kon va dorixonaning taxminan 80 kv.m. maydonda old tomon alkapon qismi yonib zararlangan.
Hodisa oqibatida tan jarohati olgan va halok bo‘lganlar yo‘q.
Yong‘in sababi va moddiy zarar miqdori aniqlanmoqda.
Eslatib o‘tamiz, kecha Qarshidagi bozorda yong‘in chiqqandi. Shuningdek, Qashqadaryoda ombor yonib ketgandi.
