Samarqandda ETK xodimlari firibgarlik ustida ushlandi
Hozirda ularga nisbatan jinoyat ishi ochilgan.
Samarqand tumanida ETK texnigi va hisobchisining firibgarligi fosh etildi. Bu haqda Bosh prokuratura huzuridagi iqtisodiy jinoyatlarga qarshi kurashish departamenti xabar bermoqda.
Qayd etilishicha, tuman ETK texnik xodimi R.R. va hisobchisi S.T. fuqaro F.B.ning xonadonida elektr tarmog‘idan foydalanish tartibini buzganligi holati bo‘yicha bayonnoma rasmiylashtirmaslik hamda hisoblagich ko‘rsatkichini “0” qilib berish evaziga 7,5 mln so‘mini firibgarlik yo‘li bilan qo‘lga kiritganliklari aniqlanib, shundan 5 mln so‘mi qaytarilishi protsessual tartibda rasmiylashtirilgan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
