Oltiariqda suvga cho‘kib ketgan bola jasadi topildi
Qidiruv ishlari bir haftadan ortiq vaqt davom etgan.
Farg‘ona viloyatining Oltiariq tumanida suvga cho‘kib ketgan bolaning jasadi topildi. Bu haqda viloyat Favqulodda vaziyatlar boshqarmasi xabar bermoqda.
Qayd etilishicha, 25 may kuni soat 14:28 da Qo‘shtepa tumani “Paxtakor” MFY hududidan oqib o‘tadigan Janubiy Katta Farg‘ona kanalida fuqaro cho‘milayotgan vaqtidan cho‘kib ketgan. Bugun, 3 iyun kuni soat 18:20 da uning jasadi FVB g‘avvos-qutqaruvchilari tomonidan Oltiariq tumani Tinchlik shaharchasidan oqib o‘tuvchi Janubiy Katta Farg‘ona kanalidan topilgan.
“Fuqarolarimizdan cho‘milish taqiqlangan joylarda cho‘milmasliklarini so‘rab qolamiz”, — deyiladi xabarda.
