Fermerlar bilan janjallashgan yakkabog‘lik bloger qamaldi
Bugun uning ishi sudda ko‘rib chiqilgan.
Avvlroq Qashqadaryo viloyatining Yakkabog‘ tumanida bloger fermerlar ishiga aralashib, ularni haqorat qilgani haqida xabar berilgandi. Holat yuzasidan Oliy sud matbuot kotibi yo‘shimcha maʼlumot berdi.
Jinoyat ishlari bo‘yicha Yakkabog‘ tuman sudining 2023 yil 27 maydagi qaroriga ko‘ra, E. Odilov Maʼmuriy javobgarlik to‘g‘risidagi kodeksning 183-moddasi (mayda bezorilik) va 198-moddasi (hokimiyat vakilining qonuniy talablarini bajarmaslik yoki xizmat vazifalarini bajarishiga to‘sqinlik qilish) 1-qismida nazarda tutilgan huquqbuzarlikni sodir qilgan deb topilib, unga 15 sutka maʼmuriy qamoq jazosi tayinlangan.
“Ushbu qarordan norozi taraflar qonunda belgilangan tartib va muddatda Qashqadaryo viloyat sudining apellyatsiya instansiyasiga shikoyat berish va protest bildirishga haqliligi maʼlum qilinadi”, — deyiladi xabarda.
