IIV litseyiga o‘qishga kiritish bilan bog‘liq firibgarlik aniqlandi
Hozirda holat yuzasidan jinoyat ishi ochilgan.
Surxondaryo viloyatida akademik litseyga o‘qishga kiritib qo‘yishni vaʼda qilgan firibgar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, fuqaro R.Ch. fuqarolar S.X. va S.T.ni go‘yoki yuqori lavozimda ishlovchi tanishlari yordamida 3000 AQSH dollari evaziga Ichki ishlar vazirligi qoshidagi Akademik litseyga o‘qishga kiritib qo‘yishini aytib, oldindan 2 000 AQSH dollarini olgan vaqtida ashyoviy dalillar bilan qo‘lga tushgan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
