Qashqadaryoda olimpiadada eng yuqori ball olgan o‘quvchiga 4-o‘rin berilgani aytildi
Holat bo‘yicha rasmiylar munosabat bildirdi.
Ijtimoiy tarmoqlarda Qashqadaryo viloyatida o‘tkazilgan xorijiy til olimpiadasida hammadan yuqori ball olgan o‘quvchiga 4-o‘rin berilgani aytilgan video tarqaldi. Holat yuzasidan viloyat maktabgacha va maktab taʼlimi boshqarmasi rasmiy munosabat bildirdi.
Qayd etilishicha, videolavhadagi jarayonda Qamashi tumanidagi 6-sonli maktab jamoasi to‘plagan ball natijalarida aslida yuqori ekanligi qayd etilgan. “Xorijiy tillarni o‘qitish bo‘yicha eng yaxshi maktab” tanlovni tuman bosqichi bo‘yicha Qamashi tumanidan 1-o‘rin 44-maktabga, 2-o‘rin 63-maktabga va 3-o‘rin 72-maktabga berilgan.
Videolavhada aytilgan Qamashi tumanidagi 6-maktab jamoasini to‘plagan ball 25,92 ni tashkil etgan. O‘quvchilar ko‘rsatkichi yuqori natija bo‘lsada, umumiy tartibda baza orqali maktab (o‘qituvchilari)ni to‘plagan ballari past bo‘lgan. Shu sababli nizom talablarida asosiy ko‘rsatkichlar bilan erishilgan natija umumlashtirishi qayd etilgan.
Nizomga ko‘ra, maktab jamoasining har bir aʼzosi sinovlar jarayonida individual baholanib, ishtirokchilarning natijalari maktabning umumiy natijasini hosil qiladi. Ingliz, nemis va fransuz tillari bo‘yicha mos holda turli xalqaro sertifikatsiyalangan standartlar bo‘yicha baholash tizimi qo‘llanilganda, maktablarning natijalarini hisoblash 100 ballga proporsional tarzda amalga oshiriladi. Uchinchi bosqich natijalariga ko‘ra umumiy hisobda eng yuqori ball to‘plagan maktablar 1, 2, 3-o‘rinlarni egallagan maktablar sifatida belgilanadi. Har bir bosqichda g‘oliblikka daʼvogar jamoalarning ballari teng bo‘lib qolgan taqdirda, jamoalar o‘rtasida qo‘shimcha sinov tashkil etiladi.
