Surxondaryoda ikki o‘qituvchi do‘pposlandi
Holat maktab direktori xonasida yuz bergan.
Ijtimoiy tarmoqlarda Surxondaryo viloyati Uzun tumanida maktab o‘qituvchilari ommaviy do‘pposlangani aks etgan videoyozuv tarqaldi. Holat bo‘yicha Bosh prokuratura maʼlumot berdi.
O‘rganish natijalariga ko‘ra, 2023 yil 14 aprel kuni soat 12:00 larda Uzun tumanidagi 31-sonli o‘rta taʼlim maktabining direktor xonasida o‘tkazilayotgan yig‘ilishda 34 yoshli erkak (o‘qituvchi) ikki nafar ayol o‘qituvchilar bilan janjallashib, ularga tan jarohati yetkazgan.
Mazkur holat yuzasidan 18 aprel kuni Jinoyat kodeksining 277-moddasi (Bezorilik) bilan jinoyat ishi qo‘zg‘atilgan.
Hozirda gumonlanuvchi shaxs protsessual tartibda ushlangan. Tergov harakatlari davom etmoqda.
