Koson hokimi ustidan BPga xat kiritildi
Avvalroq u ro‘zador fermerlarning ro‘zasini majburiy ochtirgani aytilgandi.
Avvalroq Qashqadaryo viloyatining Koson hokimi Asrol Boyqarayev ro‘zador fermerlarning ro‘zasini majburiy ravishda ochtirgani haqida xabar berilgandi.
Fermer, dehqon xo‘jaliklari va tomorqa yer egalari kengashi tomonidan Bosh prokuraturaga hokimning xatti-harakatlari ustidan prokuror nazorati o‘rnatilishi kerakligi borasida xat kiritilgani maʼlum qilindi.
Mazkur xatda vijdon erkinligi kafolatlanishi, shuningdek, fermer xo‘jaliklarining faoliyatiga davlat organlari aralashishga yo‘l qo‘yilmasligi, bundan tashqari, hokimning harakatlari fuqarolarning keng eʼtirozlariga sabab bo‘layotgani bayon qilingan.
Bosh prokuratura va tuman hokimligi holat bo‘yicha hozircha rasmiy munosabat bildirgani yo‘q.
