Andijonda “Onalar bog‘i” tashkil etilmoqda
Bu haqda viloyat hokimligi maʼlum qildi.
Andijon viloyatining Qo‘rg‘ontepa tumanida “Onalar bog‘i” tashkil etilmoqda. Bu haqda viloyat hokimligi matbuot xizmati xabar berdi.
Qayd etilishicha, millatlararo totuvlik hamda ona mehri ila “Yashil makon” yaratishni maqsad qilgan ushbu loyiha viloyat hokimi boshchiligida ilk bora amalga oshirilmoqda.
Shuhratbek Abdurahmonov kecha ayni tashkil etilayotgan bog‘da bo‘lgan. Shundan so‘ng Xonobod shahridagi Fozilmon ota ziyoratgohida Andijonda turizm yo‘nalishida faoliyat ko‘rsatayotgan vakillar hamda tadbirkorlar bilan muloqot o‘tkazgan.
Jarayonda ishtirokchilarni hududda turizmni rivojlantirishga oid taklif va mulohazalari eshitilgan. Viloyatda turizm yo‘nalishida katta potensial imkoniyatlar mavjudligi taʼkidlanib, mehmonxonalar va boshqa xizmat turlarini rivojlantirish orqali aholi bandligini taʼminlash, daromadlarni oshirish muhim jihatlardan ekanligiga eʼtibor qaratilgan.
