Vatanini tark etgan badavlat ruslar Dubayda qanday yashamoqda?
Rossiyaning aksariyat biznesmenlari biznesini BAAga ko’chirmoqda.
Amerikaning "The New York Times" gazetasi G'arb sanksiyalaridan qochib va Ukrainada urush olib borayotgan Rossiya armiyasiga chaqirilmaslikka urinib, hozirda ko'plab badavlat rossiyaliklar yashashni afzal ko'rayotgan BAAdagi muxbirlarining hisobotini e'lon qildi.
Unga ko'ra, Dubaydagi ruslar mahalliy aholining o'z vatanlariga nisbatan noroziligini his qilishmaydi — ular Ukrainani qo'llab-quvvatlash bo'yicha Yevropa va Birlashgan Millatlar Tashkilotida doimiy ravishda bo'lib o'tadigan ommaviy aksiyalarni tomosha qilishlari shart emas. Dubayda Rossiyaga qarshi his-tuyg'ularga ega bo'lgan har qanday odam buni yashirishi kerak. Har qanday holatda ham, Amirliklardagi monarxiya amalda norozilik namoyishlarini taqiqlaydi.
Jurnalistlar kuzatuvlariga ko‘ra, Dubayda rus tili endi ko‘proq eshitilmoqda. Oligarxlar mahalliy eksklyuziv dam olish maskanlarida dam olishadi, Moskva va Sankt-Peterburgdan kelgan restoran bisnesi egalari bu yerda o‘z muassasalarini ochish uchun poygaga kirishgan. Ko‘plab rossiyalik tadbirkorlar safarbarlikdan qo‘rqib, o‘z bizneslarini shu yerga ko’chirmoqda.
Nashr ushbu oqimning asosiy sabablarini sanab o'tadi: BAA sarmoya kiritish uchun xavfsiz joy bo'lib qolmoqda, Rossiyaning Ukrainaga bostirib kirishiga nisbatan neytral pozitsiyani egallaydi va dunyoning aksariyat davlatlaridan farqli ravishda RF bilan to'g'ridan-to'g'ri reyslar amalga oshiriladi.
Rasmiy ma’lumotlarga ko’ra, 2022-yilda Dubayga 1,2 million rossiyalik sayohat qilgan.
