Toshkentda “svet” o‘chmasligi uchun qanday choralar ko‘rilmoqda?
Bu bo‘yicha Prezidentning tegishli qarori qabul qilindi.
Energetika vazirligi, Toshkent shahri hokimligi, “Navoiy KMK” AJ, “Olmaliq KMK” AJ, “O‘zavtosanoat” AJ va “O‘zmetkombinat” AJning takliflariga asosan 2023-yilda Toshkent shahri elektr taʼminotini yaxshilashga qaratilgan 35–110 kV kuchlanishli elektr tarmoqlarini rivojlantirish loyihasi tasdiqlandi.
- Yunusobod, Shayxontohur, Mirzo Ulug‘bek, Yashnobod va Yangihayot tumanlarida umumiy quvvati 664 MVA bo‘lgan 5 ta 110 kV kuchlanishli podstansiya hamda 49,6 km uzunlikdagi 35 kV va 110 kV kuchlanishli elektr uzatish tarmoqlarini quriladi;
- Yunusobod, Mirzo Ulug‘bek, Olmazor va Mirobod tumanlaridagi 4 ta podstansiyani rekonstruksiya qilish orqali ularning o‘tkazish quvvatini 179 MVAga oshiriladi;
- jismonan eskirgan 7,5 km uzunlikdagi 35 kV va 41,7 km uzunlikdagi 110 kV kuchlanishli elektr uzatish tarmoqlarini zamonaviy turdagi kabel va simlarga almashtiriladi.
Qaror bilan:
▪️Yuqorichirchiq tumanidagi “O‘zsuvtaʼminot” AJda quvvati 400 MVt bo‘lgan quyosh elektr stansiyasini qurish loyihasining 1-bosqichini (100 MVt);
▪️Yuqorichirchiq tumanida quvvati 700 MVt bo‘lgan quyosh elektr stansiyasini qurish loyihasining 1-bosqichini (100 MVt) joriy yil yakunigacha ishga tushirish belgilandi.
Shuningdek, 5 ta 110 kV kuchlanishli podstansiya quriladi va hamda 49,6 km uzunlikdagi 35 kV va 110 kV kuchlanishli elektr uzatish tarmoqlari o‘tkaziladi.
