TATU talabasi o‘z joniga qasd qildi
U o‘zini ko‘p qavatli uydan tashlab yuborgan.
Mahammad al-Xorazmiy nomidagi Toshkent axborot texnologiyalari universiteti talabasi o‘z joniga qasd qildi. Holat yuzasidan Bosh prokuratura matbuot kotibi Hayot Shamsutdinov maʼlumot berdi.
Qayd etilishicha, bugun, 21 fevral kuni 12:10 larda Qarshi shahrida yashagan 22 yoshli yigit ota-onasi bilan yashab kelgan uydan sababsiz chiqib ketgan. Shundan so‘ng “Navo” MFYda joylashgan ko‘p qavatli uyning yuqori qavatidan o‘zini tashlab yuborgan.
Mazkur holat yuzasidan Qarshi shahar prokuraturasi tomonidan tergovga qadar tekshirish o‘tkazilgan. Tekshirish davomida 2019 yilda yigitning ruhiyatida o‘zgarish bo‘lgani sababli klinikada davollangani, shu davrda ham o‘z joniga qasd qilishga uringanligi aniqlangan.
Hozirda tekshirish davom etmoqda.
