Qashqadaryoda Damas butunlay yonib ketdi
Oqibatda avtomashina yaroqsiz holatga kelib qolgan.
Kecha, 28-yanvar kuni Qashqadaryo viloyatining G‘uzor tumanida Damas avtomobili yonib ketdi. Holat yuzasidan viloyat Favqulodda vaziyatlar boshqarmasi maʼlumot berdi.
Qayd etilishicha, voqea soat 04:40 larda G‘uzor tumanining “Buyuk karvon” mahallasi hududida ro‘y bergan. Yong‘in haqidagi xabar tuman FVBga soat 04:45 da kelib tushgan va manzilga 1 ta bo‘linma yetib borgan. Qutqaruvchilar yong‘inni soat 05:20 larda to‘liq o‘chirgan.
Hodisaga avtomobildagi elektr simlarini qisqa tutashuvi sabab bo‘lgan deb taxmin qilinmoqda.
Oqibatda hech kim tan jarohati olmagan.
