O‘tgan yili Toshkentda salkam 150 nafar fuqaro YTH qurboni bo‘ldi
Toshkent shahar IIBB 2022 yilda sodir bo‘lgan avtohalokatlar, qoidabuzarliklar va YTH tufayli vafot etganlar haqida maʼlumot berdi.
Toshkent shahar IIBBning xabar berishicha, 2022 yilning 12 oyi mobaynida poytaxtda 1200 ta yo‘l-transport hodisasi sodir bo‘lgan. Hisobot davrida YTH oqibatida halok bo‘lganlar soni 136 nafarni tashkil etgan, 1463 nafari tan jarohati olgan.
Unga ko‘ra, YTHlarning 32,5 foizini piyodalar ishtirokidagi baxtsiz hodisalar tashkil etadi. Bolalar ishtirokida 169 ta YTH sodir bo‘lgan. Buning oqibatida 56 nafar voyaga yetmaganlar tan jarohati olgan, 17 nafari vafot etgan.
Tezlikni oshirish oqibatida 370 ta YTH sodir bo‘lgan. 143 nafar haydovchi svetoforning qizil chirog‘idan o‘tgan. 8 ta baxtsiz hodisa avtomobil rulida o‘tirgan shaxslarning mast holatda bo‘lganligi sababli sodir bo‘lgan. 73 ta YTH jiddiy oqibatlarga olib kelgan.
