Namangandagi xonadonda gaz portladi
Xonadon egasi uyida pechkaga gazni ulagan. Gaz jo‘mragini ochiq qoldirib, chiroqni yoqqanida chaqnash sodir bo‘lgan.
Namangan viloyati FVBning xabar berishicha, bugun, 13 yanvar kuni soat 02:30 larda Namangan tumani “Navro‘z” MFY hududidagi xonadonlarning birida chaqnash sodir bo‘lgan.
Aniqlanishicha, yashash uyiga o‘rnatilgan o‘tin va tabiiy gazga moslashtirilgan tunuka isitish pechiga tabiiy gazdan foydalanilgan va gaz jo‘mragini ochiq qoldirilgan. Fuqaro elektr chirog‘ini yoqqanidan so‘ng gaz va havo aralashmasi natijasida chaqnash sodir bo‘lgan.
Hodisa oqibatida, xonadon egasining 1992 yilda tug‘ilgan qizi 70 foiz hamda u bilan birga yashovchi farzandi 2014 yilda tug‘ilgan o‘g‘li 8 foiz kuyish tan jarohati olgan.
Chaqnash natijasida yong‘in sodir bo‘lmagan, uyning derazasi joyidan ko‘chgan.
