Hindistonliklar NUJga guvoh bo‘ldi
Videotasvirlarda u bir necha daqiqa joyida turgan.
Hindistonning G‘arbiy Bengaliya shtatida odamlar nomaʼlum uchar jismni ko‘rdi. NUJ videotasvirlarga tushib qolgani uchun hatto o‘zga sayyoraliklarga ishonmaydiganlar ham hayratga tushdi.
Osmonda g‘ayrioddiy yorug‘lik tarqatuvchi obyekt paydo bo‘lib bir necha daqiqa turib qolgan.
Shokka tushib qolgan guvohlar va internet foydalanuvchilari o‘zga sayyoraliklar bunaqa masofada yaqinlashganini kutmagan edi.
NUJ haqidagi xabar mahalliy hokimiyatni ham tashvishga solib qo‘ydi va ular holatni o‘rgana boshladi. Aniqlanishicha, osmonda ko‘ringan nur o‘zga sayyoraliklar kemasidan emas, balki harbiylar Begal ko‘rfaziga otgan sinov raketasidan tarqalgan.
