Ispaniyada shubhali konvertlar aniqlanmoqda
Ular Ukrainaga aloqador joylarga jo‘natilyapti.
Madrid yaqinidagi aviabazada so‘nggi bir sutkada uchinchi portlovchi qurilma solingan paket topildi.
Qayd etilishicha, u Kiyevga ma’lumot beruvchi bazaning sun’iy yo‘ldosh markaziga pochta orqali jo‘natilgan. Avvalroq xuddi shunday jo‘natmalar Ukrainaning Ispaniyadagi elchixonasi va ukrain armiyasi uchun granata otish moslamalarini ishlab chiqaruvchi kompaniyaga ham yuborilgandi.
Havo bazasi xavfsizlik tizimlari shubhali konvertni rentgen tekshiruvidan o‘tkazgan. Natijada uning ichida mexanizm aniqlanib, bu haqda huquq-tartibot idoralari xodimlari xabardor qilingan. Politsiyaning fikricha, uchala voqea ham bir-biri bilan bog‘liq.
30-noyabr kuni Ukrainaning Ispaniyadagi elchixonasiga elchi Sergey Pogorelsev nomiga shubhali konvert kelgan edi. Qorovul uni ochganida portlash yuz bergan.
