Shavkat Mirziyoyev Fransiya assambleyasiga tashrif buyurdi
Davlatimiz rahbari Fransiyaga rasmiy tashrifining ikkinchi kuni boshlandi.
Ayni daqiqalarda davlat rahbari Fransiya Milliy yig‘ini raisi Yael Braun-Pive bilan uchrashuv o‘tkazmoqda.
Shavkat Mirziyoyev Fransiya Milliy assambleyasi prezidenti Yael Braun-Pive xonim bilan parlamentlararo aloqalarni kengaytirish, ijtimoiy-siyosiy hayotni yana-da demokratlashtirish bo‘yicha islohotlarni amalga oshirish yuzasidan fikr almashmoqda.
Qayd etish kerakki, parlamentlararo hamkorlik O‘zbekiston-Fransiya munosabatlarining muhim bo‘lagi hisoblanadi. O‘zbekiston Oliy Majlisi Senati va Qonunchilik palatasida Fransiya Senati va Milliy assambleyasi bilan do‘stlik guruhlari tuzilgan.
O‘zbekiston Prezidenti kecha Fransiya taraqqiyot agentligi rahbariyati hamda ishbilarmon doira vakillari bilan uchrashuv o‘tkazgan edi.
