Ozarbayjon va Armaniston yil oxirigacha tinchlik shartnomasini imzolashi mumkin
Bu haqda Ilhom Aliyev ma’lum qildi.
Ozarbayjon muayyan shartlar ostida Armaniston bilan tinchlik shartnomasi 2022-yil oxirigacha imzolanishi mumkin. Bu haqda Prezident Ilhom Aliyev ma’lum qildi.
“Agar Armaniston tomonining irodasi bo‘lsa, unda shu yil oxirigacha tinchlik shartnomasi imzolanishi mumkin. Vaqt tugab bormoqda. Tomonlar ishchi guruhlar doirasida tinchlik shartnomasi matni ustida ishlashni boshlagani bois yil oxirigacha kelishuvga erishishimiz mumkin”, — dedi Aliyev.
Uning ta’kidlashicha, na Armanistonda, na Yevropa Ittifoqida Ozarbayjon taklif qilgan tinchlik shartnomasining beshta asosiy tamoyili bo‘yicha savollar yo‘q.
