Qamchiq dovonida yuk mashinasi yonib ketdi
Hozirda yong‘in bartaraf etilmoqda.
Bugun, 28-sentyabr kuni Qamchiq dovonida harakatlanib ketayotgan yuk mashinasida yong‘in chiqdi. Holat yuzasidan viloyat Favqulodda vaziyatlar boshqarmasi ma’lumot berdi.
Qayd etilishicha, soat 18:34 da A-373 avtomobil yo‘lining 256-kilometrida “Toshkent–vodiy” yo‘nalishi bo‘ylab harakatlanib ketayotgan yuk avtomashinasida yong‘in sodir bo‘lganligi to‘g‘risida “Qamchiq” maxsus qidiruv yong‘in-qutqaruv boshqarmasiga xabar kelib tushgan.
Zudlik bilan voqea joyiga “Qamchiq” maxsus qidiruv, yong‘in-qutqaruv boshqarmasi qutqaruvchilari, 2 ta yong‘in-qutqaruv ekipaji yetib borgan. Hozirda yong‘in bartaraf etilmoqda. Vaziyat nazorat olingan.
Hodisa oqibatida tan jarohati olish va halok bo‘lish xolatlari qayd etilmagan.
