Niderlandiya bosh aeroporti rahbari isteʼfoga chiqdi
Uning so‘zlariga ko‘ra, yaqin vaqt ichida aeroportda yangi xavfsizlik choralari joriy etiladi.
Niderlandiyaning “Schiphol” aeroporti (Amsterdam) ijrochi direktori Dik Benshop aeroportdagi bir necha oylik tartibsizliklardan so‘ng isteʼfoga chiqdi. Biroq uning o‘rniga boshqa shaxs topilmaguncha o‘z lavozimida qoladi. Bu haqda mahalliy ОАV xabar berdi.
2018 yildan beri “Schiphol” guruhini boshqarib kelayotgan Dik Benshop aeroport muammolarni qanday hal qilgani va bosh direktor sifatida o‘z vazifalarini qanday bajargani haqida ko‘p tanqidlar bo‘lganini taʼkidladi.
«Men o‘z xohishim bilan ketyapman, “Schiphol”ga yangi boshlanish berish uchun», — dedi u matbuot bayonotida.
Niderlandiya matbuotining yozishicha, yo‘lovchilar xavfsizlik xodimlarining yetishmasligi va bagajga ishlov berish bo‘yicha xodimlar yo‘qligi sababli bir necha oydan beri aeroportda uzoq navbatlarda turishgan va bu hafta rasmiylar davom etayotgan muammolar tufayli aviakompaniyalarni parvozlarni bekor qilishga chaqirgan.
Yozda xodimlariga soatiga 5,25 yevro miqdorida qo‘shimcha haq to‘langan, biroq sentyabr oyining boshidan bu qo‘shimcha to‘lov bekor qilingan.
Masalan, dushanba kuni xavfsizlik xodimlarining 13 foizi ishga kelmagan. Luchtvaartnieuws.nl veb-saytiga ko‘ra, aeroport rasmiylari aviakompaniyalardan oktyabr oyida reyslarni 18 foizga qisqartirishni so‘ramoqda.
