Eron bilan hamkorlik SHHT uchun juda muhim—Sodiq Safoyev
Senat raisi o‘rinbosari Eronning SHHTga qo‘shilishi haqida fikr bildirdi.
Mintaqaning eng yirik davlatlarning bu SHHTga kirishi ko‘zda tutilgan dasturning amalga oshishida ijobiy rol o‘ynashi mumkin. Bu haqda Oliy Majlis Senati raisi o‘rinbosari Sodiq Safoyev aytib o‘tdi.
“Eron – muhim va yirik davlat. Dunyoda bevosita chegaradosh davlatlar soni bo‘yicha ham eng katta mamlakat bu – Eron. U Markaziy Osiyoni Yaqin sharq, Janubiy Osiyo, Kavkaz, Yevropa bilan bog‘lovchi chorrahada joylashgan. Bu esa uning jo‘g‘rofiy joylashuvi qanchalik muhimligini ko‘rsatadi.
Eng asosiysi – Eron orqali dengiz portlariga chiqish imkoniyati biz uchun juda muhim. Chabahar dengiz portlari Markaziy Osiyoni jahon bozori bilan bog‘lashda muhim ahamiyat kasb etishi mumkin. Albatta, Eron bilan hamkorlik qilish SHHT uchun juda muhim”, – deya ta’kidladi Sodiq Safoyev.
