Jizzaxda Neksiya yuk mashinasi bilan to‘qnashib ketdi
Hodisa oqibatida 2 kishi vafot etgan.
Jizzax viloyatining Paxtakor tumanida 9-sentabr kuni odam o‘limi bilan bog‘liq yo‘l-transport hodisasi sodir bo‘ldi. Bu haqda viloyat Favqulodda vaziyatlar boshqarmasi xabar qilmoqda.
Avtohalokat soat 06:05 larda Paxtakor tumani hududidan o‘tuvchi 4P-35 avtomobil yo‘lining 38-kilometrida yuz bergan. Do‘stlik - Jizzax yo‘nalishida harakatlanayotgan Neksiya qarama-qarshi yo‘nalishdagi PAZ-3307 yuk mashinasi bilan to‘qnashib ketgan.
Voqea joyiga FVB qutqaruvchilar bo‘linmasi yetib borib, Neksiya salonida qisilib qolgan haydovchi va old o‘rindiqda bo‘lgan yo‘lovchini maxsus uskunalar yordamida chiqarib olishgan.
YTH oqibatida Neksiya haydovchisi va yo‘lovchisi og‘ir tan jarohatlari tufayli voqea joyida vafot etgan.
