Toshkentda portlab ketgan “stolba” bo‘yicha rasmiy maʼlumot berildi
Holat yuzasidan ijtimoiy tarmoqlarda xabarlar tarqalgandi.
Ijtimoiy tarmoqlarda Olmazor tumani Qoraqamish dahasida “stolba” portlab ketgani haqida turli xabar va videolavhalar tarqaldi. Tuman hokimligi holat yuzasidan rasmiy maʼlumot berdi.
Unga ko‘ra, Olmazor tumani Qoraqamish dahasida joylashgan “Aʼlo” to‘yxonasi qarama-qarshisidagi podstansiyada 110 kVt yuqori kuchlanishli havo liniyasi 27-tayanch ustunida nomaʼlum sabablarga ko‘ra qisqa tutashuv sodir bo‘lgan.
Qisqa tutashuv oqibatida sodir bo‘lgan yong‘in o‘z vaqtida o‘chirilib, muammo bartaraf etilgan.
Taʼkidlanishicha, hozirgi holatda 27-tayanch ustunida doimiy kuchlanish mavjud.
