Yarim tundagi yig‘ilish, dam olishni ishxonada o‘tkazayotgan xodim yoxud “qattiq” ishlayotgan mansabdorlar
So‘nggi 6 oyda qancha mansabdor mehnat qonunchiligini buzdi?
AOKAda Bandlik va mehnat munosabatlari vazirligi mutasaddilari ishtirokida matbuot anjumani o‘tkazildi.
Taʼkidlanganidek, 2022 yilning birinchi yarmida Bandlik va mehnat munosabatlari vazirligiga mehnat munosabatlariga oid 11,6 mingdan ortiq murojaat kelib tushgan. Shundan 6 551 tasi qanoatlantirilgan, 4 546 tasiga esa tushuntirish berilgan.
Olti oy davomida 14 066 ta tashkilot va korxonada o‘rganishlar o‘tkazilib, 41 150 ta mehnat qonunchiligi buzilishi holati aniqlangan. Natijada, 5 935 nafar mansabdor shaxsga nisbatan 12 milliard 57 milliondan ortiq maʼmuriy jarima qo‘llanilgan.
Shuningdek, adliya organlariga 1000 dan ortiq daʼvo arizalari kiritilib, 5 milliarddan ortiq oylik ish haqi va boshqa to‘lovlar undirildi.
