Xitoydan O‘zbekistonga yangi temir yo‘li orqali yuk poyezdi yo‘lga chiqdi
Poyezd taxminan 20 kundan keyin O‘zbekiston va Qozog‘istonga yetib keladi.
Sharqiy Xitoyda joylashgan Szyansu provinsiyasidagi Usi shahridan chiqqan yuk poyezdi Markaziy Osiyo tomon yo‘l oldi. Bu haqda "Jenmin jibao" gazetasiga tayanib xabar berdi Sputnik.
Qayd etilishicha, poyezd taxminan 20 kundan keyin O‘zbekiston va Qozog‘istonga yetib keladi.
Poyezdga 1 ming tonnadan ziyod yuk joylashtirilgan. Ular umumiy bozor qiymati 30 mln yuan (taxminan 4.4 mln dollari) miqdoriga teng bo‘lgan maishiy texnika va avtomobillar ehtiyot qismlardan iborat.
Usi shahridagi G‘arbiy logistika parkidagilar tomonidan maʼlum qilinishicha, pandemiya boshlanganidan keyin mahalliy tashqi savdo korxonalari tovarlarni eksport qilishda qiyinchiliklarga duch kela boshlashgan.
Yuk tashuvchi yangi temir yo‘lining paydo bo‘lishi esa ushbu korxonalar uchun yangi imkoniyatlarni yaratmoqda.
