Samarqandda Xalqaro kongress o‘z ishini boshladi
Tadbir O‘zbekiston madaniy merosini o‘rganish, asrash va ommalashtirish bo‘yicha Butunjahon jamiyati tomonidan 10 dan ortiq xalqaro va 5 ta milliy tashkilotlar ko‘magida tashkil etilmoqda.
Avval xabar berganimizdek, 22-24-iyul kunlari Samarqand shahrida Butunjahon jamiyatining «O‘zbekiston madaniy merosi – yangi Renessans poydevori» VI Xalqaro kongressi bo‘lib o‘tadi.
Kongressning birinchi kunida asosan noyob nashrlar va kitoblar taqdimoti bo‘lib o‘tadi. Kongressning asosiy voqeasi «O‘zbekiston madaniy merosi jahon to‘plamlarida» turkumidagi 51-60 jildli 10 ta yangi kitob-albomlar taqdimoti bo‘lib o‘tadi. Shunday qilib, 25 dan ortiq davlatdan 350 ta olimlar, dunyoga mashhur 100 kutubxona va muzeylar kitob-albomlar seriyasi ustida ishlagan to‘plam 60 jildga yetdi.
Bundan tashqari, Fransiya Milliy kutubxonasi yig‘ilishida saqlanadigan noyob qadimiy noyob nashri taqdimoti ham rejalashtirilgan. Yevropaning yetakchi nashriyot uylaridan biri Mueller & Schindler o‘zbek zaminining buyuk o‘g‘li, munajjim Mirzo Ulug‘bek buyurtmasi bilan yaratilgan noyob qo‘lyozma faksimilini namoyish etadi.
Kongressning asosiy yo‘nalishlari «Xalqlarni birlashtiruvchi meros» kabi mavzularda «Markaziy Osiyo va Ozarbayjon», «Jahon jamiyati uchun yangi yo‘nalishlar: rejalar va istiqbollar», «Milliy muzeylar va to‘plamlar jahon jamiyati diqqat markazida» kabi davra suhbatlar bo‘lib o‘tadi.
Shuningdek, Kongress doirasida O‘zbekiston sanʼatiga oid ikkita «Orol va Amu qirg‘oqlarida. Qoraqalpoq sanʼati» va «Bezak: estetika, sehr, maʼno» nomli noyob kitoblar taqdimoti o‘tkaziladi.
Kongressning birinchi kunida Samarqand shahridagi Yoshlar ijod saroyida «O‘zbekiston madaniy merosi zamonaviy ilm-fan diqqatida» mavzusida xalqaro ilmiy konferensiya ham rejalashtirilgan.
