O‘zbekistonda poyezdlar tezligiga cheklov kiritildi
Bunga anomal issiq sabab bo‘lgan.
O‘zbekistonda anomal issiq harorat kuzatilishi munosabati bilan poyezdlar harakatiga cheklov kiritilmoqda. Bu haqda “O‘ztemiryo‘lyo‘lovchi” AJ ma’lum qildi.
Qayd etilishicha, harakat xavfsizligini ta’minlash maqsadida barcha turdagi (yuk va yo‘lovchi) poyezdlarning tezligiga cheklovlar berilmoqda. Shu bois yo‘lovchi poyezdlarning harakat jadvalida, ayniqsa, jo‘nash hamda manziliga yetib borish vaqtlarida o‘zgarish bo‘lyapti.
“O‘ztemiryo‘lyo‘lovchi” AJ yo‘lovchilardan bunday vaziyatni to‘g‘ri tushunishlarini istab, keltirilgan noqulayliklar uchun uzr so‘ragan.
