Xorazmda og‘ir oqibatli YTH sodir bo‘ldi
Hodisada halok bo‘lgan va jabrlanganlar bor.
Bugun, 12 may kuni soat 14:30 larda Urganch shahrining Al-Xorazmiy, Sheroziy va Gʻ.Gʻulom ko‘chalari tutashgan chorrahada “Isuzu” rusumli avtobus va “LADA2194” rusumli yengil avtomashina ishtirokida og‘ir oqibatli yo‘l-transport hodisasi sodir bo‘lgan. Bu haqda viloyat IIB axborot xizmati xabar berdi.
Qayd etilishicha, to‘qnashuvda so‘ng “Isuzu” yon tomonga ag‘darilgan va undagi ikki nafar yo‘lovchi olgan og‘ir tan jarohatlari tufayli hodisa joyida vafot etgan.
Shuningdek, yo‘l-transport hodisasi oqibatida avtobusning turli darajada tan jarohati olgan yo‘lovchilariga tibbiy yordam ko‘rsatilgan.
Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
