Mushtarak niyatlar niholi ekildi
O‘zbekiston Prezidenti Shavkat Mirziyoyev va Turkiya Prezidenti Rejab Toyyib Erdog‘an Ko‘ksaroy qarorgohidagi Faxriy mehmonlar xiyoboniga ko‘chat o‘tqazdi.
Bu haqda prezident matbuot xizmati xabar bermoqda.
Bu yil O‘zbekiston bilan Turkiya o‘rtasida diplomatik aloqalar yo‘lga qo‘yilganiga 30 yil, Strategik sheriklik munosabatlari o‘rnatilganiga 5 yil to‘lgani uchun, ushbu nihol hamkorlik rivojida yangi davr boshlanayotgani, mushtarak ezgu niyatlarning ramzi bo‘lganligi aytildi.
Qayd etish joiz, mazkur xiyobonda boshqa hamkor davlatlar rahbarlari ekkan daraxtlar ham bor.
Eslatib o‘tamiz, avvalroq ikki davlat rahbarlari o‘rtasida oliy darajadagi strategik hamkorlik kengashining ikkinchi yig‘ilishi yakunlari bo‘yicha ommaviy axborot vositalari vakillari uchun brifing o‘tkazilgan edi.
