Andijondagi turmada mahbus vafot etdi
Holat yuzasidan IIV axborot xizmati rasmiy izoh berdi.
Ijtimoiy tarmoqda Andijon viloyati IIB 3-son tergov hibsxonasida mahkum olgan tan jarohati bilan vafot etgani haqida xabar tarqaldi. Holat yuzasidan IIV JIED Axborot xizmati rasmiy izoh berdi.
Ma’lum qilinishicha, 21-mart kuni tergov xibsxonasida saqlanayotgan ikki mahbus o‘zaro janjallashib, bir-biriga tan jarohati yetkazgan.
Mojaro oqibatida mahbuslardan biri tibbiy muolajalar ko‘rsatilishiga qaramay, vafot etgan. Yana bir mahbus muassasaga qarashli kasalxonada davolanmoqda.
Holat yuzasidan Andijon shahar prokuraturasi tomonidan O‘zbekiston Respublikasi JKning 104-moddasi 3-qismi “d” bandi bilan jinoyat ishi qo‘zg‘atilib, tergov harakatlari olib borilmoqda.
