Samarqand tomon uchayotgan samolyot Qozog’istonga favqulodda qo’ndi
Bunga yo’lovchilardan birining salomatligi yomonlashgani sabab bo’lgan.
Санкт-Петербург–Самарқанд йўналиши бўйича АФЛ-2870 парвозини амалга ошираётган, бортида 56 та йўловчиси бўлган “Аерофлот” авиакомпанияси ҳаво кемаси маҳаллий вақт билан соат 10:50 да йўловчилардан бирининг саломатлиги ёмонлашгани ва унга шошилинч тиббий ёрдам кўрсатиш зарурлиги сабаб Қозоғистонниг Қизилўрда аеропортига фавқулодда қўнишни амалга оширди.
Дастлабки маълумотларга кўра, йўловчининг юрак хасталиги хуружи аломатлари кузатилган. Экипаж самолётни энг яқин аеропортда қўндиришга қарор қилган.
Аеропортга қўнгач, йўловчи тез тиббий ёрдам машинасида малакали тиббий ёрдам кўрсатиш учун тиббиёт муассасасига олиб кетилган.
Тошкент вақти билан соат 12:20 да, бортида 55 та йўловчиси бўлган “Аерофлот” авиакомпаниясининг самолёти Самарқанд аеропортига қўнишни амалга оширган.
