"Toshkent — Buxoro — Toshkent" yo‘nalishida har kuni “Afrosiyob” zamonaviy poyezdi qatnovi amalga oshiriladi
17-yanvardan boshlab, har kuni, yaʼni dushanba, seshanba, chorshanba, payshanba kunlari ham qatnov yo‘lga qo‘yildi.
Yo‘lovchilarga yana-da ko‘proq qulaylik yaratish hamda mamlakatimizda ichki turizmni yana-da rivojlantirishga keng imkoniyat yaratish maqsadida 2021 yil dekabr oyining so‘nggi kunlarida haftaning juma, shanba, yakshanba kunlari "Toshkent — Buxoro — Toshkent" yo‘nalishida 770/769-sonli “Afrosiyob” zamonaviy poyezdining harakati yo‘lga qo‘yilgan edi.
"O‘zbekiston temir yo‘llari" AJ tomonidan yo‘lovchilarning talablari atroflicha o‘rganib chiqilib, 2022 yil 17 yanvardan boshlab 770/769-sonli “Afrosiyob” zamonaviy poyezdining "Toshkent — Buxoro — Toshkent" yo‘nalishida har kuni, yaʼni dushanba, seshanba, chorshanba, payshanba kunlari ham qatnovi yo‘lga qo‘yildi.
Mazkur zamonaviy poyezd harakat jadvali bo‘yicha har kuni 08:30 da Toshkent markaziy temir yo‘l vokzalidan, Buxoro temir yo‘l vokzalidan esa 15:27 da harakatlanadi. https://t.me/buxorouz_official/32271
Eslatib o‘tamiz, avvalroq "Toshkent – Buxoro "yo‘nalishida harakatlangan “Afrosiyob” poyezdi nega yo‘lda to‘xtab qolgani hamda “Afrosiyob” poyezdining qo‘shimcha reyslari yo‘lga qo‘yilishi haqida xabar berilgandi.
Cho‘lponoy Ahmedova
