“Drujba”da bayram uchun olib chiqilgan harbiy texnikalardan biri yonib ketdi
Milliy gvardiya axborot xizmati rahbari holat yuzasidan munosabat bildirdi.
Kecha tunda ijtimoiy tarmoqlarda Toshkentda 14 yanvar munosabati bilan olib chiqilgan harbiy texnikalardan biri yonib ketgan aks etgan videotasvirlar tarqaldi.
Aniqlanishicha, kecha soat 22:20 larda Xalqlar do‘stligi sanʼat saroyi maydoniga 14 yanvar – Vatan himoyachilari kuni munosabati bilan harbiy texnikalar ko‘rgazmasiga olib chiqilgan Milliy gvardiyaning yengil zirhli texnikasining salon qismida yong‘in yuz bergan. Bunga qisqa tutashuv sabab bo‘lgani aytilmoqda.
Maʼlum qilinishicha, yong‘in qisqa vaqtda to‘liq bartaraf etilgan. Sodir bo‘lgan hodisa natijasida fuqarolarga jabr yetkazilmagan.
