EPS-Topik test imtihoniga noqonuniy kirmoqchi bo‘lgan shaxslar ushlandi
Bu haqda Tashqi mehnat migratsiyasi agentligi maʼlum qildi.
Koreya Respublikasida ishlash istagidagi fuqarolar uchun Toshkent shahrida bo‘lib o‘tayotgan EPS -Topik testida imtihon tartiblariga rioya qilmaslikning oqibatlari haqida ogohlantirilganiga qaramay, fuqarolar L.F. va M.Z. maxsus vositani testga olib kirishga uringan vaqtida Tashqi mehnat migratsiyasi agentligi xodimlari tomonidan ushlab qolindi.
Ushbu holat bayonlashtirilib, tegishli tashkilotlarga taqdim etildi.
Tashqi mehnat migratsiyasi agentligi matbuot xizmatining maʼlum qilishicha, test imtihoni qoidalarini buzgan fuqaro 2 yil davomida ushbu imtihonda qatnashish imkoniyatidan mahrum bo‘ladi hamda qonunchilikda belgilangan javobgarlikka tortiladi.
