Ko‘zi ojiz o‘quvchilar uchun 20 mingdan ziyod nusxada kitob chop etiladi
Hozirda 8 nomdagi o‘quv adabiyotlari nashrga tayyorlangan.
2023 yilning 1-choragi davomida 20 mingdan ziyod nusxada chop etiladi. Bu haqda Madaniyat vazirligi xabar berdi.
Maʼlum qilinishicha, 2022-yil yakunlari bo‘yicha Bolalar musiqa va sanʼat maktablarining kutubxonalari 11 nomdagi 58 mingdan ziyod o‘quv adabiyotlari bilan taʼminlangan
Shuningdek, bolalar musiqa va sanʼat maktablarida tahsil olayotgan ko‘zi ojiz va ko‘rishda nuqsoni bo‘lgan o‘quvchilar uchun mo‘ljallangan matn va nota yozuvlarining muqobil shakllari 1900 nusxada o‘quv adabiyoti sifatida tegishli taʼlim muassasalariga yetkazilgan.
“Yana 8 nomdagi o‘quv adabiyotlari nashrga tayyor holga keltirilgan bo‘lib, 2023-yilning 1-choragi davomida 20 mingdan ziyod nusxada chop etilishi rejalashtirilgan”, — deyiladi xabarda.
