Qashqadaryoda ikkita qishloq aholisi janjallashgani rad etildi
Holatga tuman hokimligi aniqlik kiritdi.
Ijtimoiy tarmoqda Qashqadaryo viloyatining Dehqonobod tumanida ikkita qishloq aholisi oʻrtasida janjal yuz bergani boʻyicha xabarlar tarqalgandi.
Tuman hokimiligining taʼkidlashicha, janjal ikki qishloq aholisi oʻrtasida emas, ikki korxona vakillari orasida, yaʼni “Nargiz-Sarvar” xususiy korxonasi ishchisi va Dehqonobod kavrakchilik klasteri xodimi oʻrtasida sodir boʻlgan. Janjalga kovrak shirasini yigʻib olish boʻyicha berilgan kvotadagi anglashilmovchilik sabab boʻlgan.
Mazkur holat tuman IIB tomonidan oʻrganilib, qonuniy toʻxtamga kelish uchun dastlabki tergov-surishtiruv ishlari olib borilmoqda.
