O‘zbekistonda issiq sabab yo‘lovchi poyezdlar harakat tezligiga cheklov o‘rnatiladi
Shuningdek, poyezdlarda sovutish tizimining ishlash quvvati ham pasayishi mumkin.
O‘zbekistonda kuzatilayotgan issiq ob-havo sabali poyezdlar harakat tezligiga cheklov o‘rnatiladi. Bu haqda “O‘ztemiryo‘lyo‘lovchi” AJ matbuot xizmati xabar berdi.
Maʼlum qilinishicha, harorat ko‘tarilishi natijada yer usti temir yo‘llarining relslari hamda ularning po‘lat qismlarida harorat juda yuqori bo‘ladi. Shu sababli, yo‘lovchilar va poyezdlar harakat xavfsizligini taʼminlash maqsadida, yo‘lovchi poyezdlar harakat tezligiga cheklovlar o‘rnatiladi.
Shuningdek, harakat tezligiga cheklovlar o‘rnatilgan poyezdlar sovutish tizimining ishlash quvvati pasayishi mumkinligi bildirilgan.
