Turkiyadagi zilzilada qancha xorijlik qurbon bo‘lgani ochiqlandi
Turkiya Favqulodda vaziyatlar boshqarmasi rahbari mintaqada zilzilalar hamon davom etayotganini aytdi.
Qahramanmarashda boshlangan dahshatli zilzila oqibatida 47 975 kishi halok bo‘ldi. Bu haqda Turkiya Favqulodda vaziyatlar boshqarmasi (AFAD) rahbari Yunus Sezer maʼlum qildi, deya xabar berdi Anadolu agentligi.
Yu.Sezerning so‘zlariga ko‘ra, Turkiya va qo‘shni davlatlar, xususan, Suriyadagi zilzila qurbonlarining umumiy soni 47 975 nafarni tashkil qilgan. Ulardan 6278 nafari xorijliklar, asosan Suriya fuqarolari.
AFAD rahbarining maʼlum qilishicha, 3 mingdan ortiq qutqaruvchi tabiiy ofat hududlarida qolib, ishlarni davom ettirgan.
«Mintaqada zilzilalar hamon davom etmoqda. Shuning uchun qutqaruvchilar tayyor turishadi. U yerda boshqa mamlakatlardan kelgan 300 ga yaqin qutqaruvchilar ham qoladi», — dedi Yu.Sezer.
6 fevral kuni epitsentri Qahramanmarashda bo‘lgan Turkiyada magnitudadan ortiq ikkita zilzila qayd etildi. Yuzlab aftershok sodir bo‘lgan zilzila mamlakatning 10 provinsiyasida va qo‘shni mamlakatlarda, jumladan Suriyada ham sezilgan.
Vayronalar ostidan qidirishda 88 mamlakatdan 11 ming qutqaruvchi ishtirok etdi, ular orasida qozog‘istonliklar ham bor.
Zilzila oqibatida Turkiyaga yetkazilgan zarar 100 milliard dollardan oshishi mumkin. Bu haqda BMT Taraqqiyot dasturining Turkiyadagi vakili Luiza Vinton maʼlum qildi.
Mutaxassislarning fikricha, mintaqada yana olti oy davomida zilzilalar takrorlanadi. Turkiyadagi vayronkor zilzilalarni bashorat qilgan gollandiyalik tadqiqotchi Frank Xugerbits mart oyi boshida yangi falokatlar ehtimoli haqida ogohlantirdi.
7 mart kuni Xatay, Qahramanmarash va Kayseri provinsiyalarida uchtaa zilzila qayd etildi.
