Shveysariya Rossiyaning milliardlab dollarlik aktivlarini muzlatib qo'ydi
Bunga nima sabab bo'lgani ochiqlandi.
Shveysariya Rossiyaning 7,5 milliard frank (taxminan 8 milliard dollar) miqdoridagi moliyaviy aktivlarini muzlatib qoʻydi.
Bunga Ukrainadagi harbiy amaliyotlar sabab bo'lgani qayd etilgan.
“Shveysariya Yevropa Ittifoqining Moskvaga qarshi sanksiyalariga qoʻshilishga qaror qildi, bu esa banklarni sanksiyalar obyektiga aylangan mijozlar yoki firmalar haqidagi maʼlumotlarni uzatish majburiyatini yukladi”, — deyiladi xabarda.
Maʼlum qilinishicha, hozirgi vaqtda Shveysariya banklariga rossiyaliklar, Rossiyada joylashgan jismoniy yoki yuridik shaxslardan 100 ming frankdan ortiq miqdorda depozitlarni qabul qilish taqiqlangan.
