Shavkat Mirziyoyev Koreya Prezidentiga ta’ziya yo‘lladi
Kecha Seulda odamlar ommaviy yurak hurujiga uchrab halok bo‘lgandi.
Prezident Shavkat Mirziyoyev Seul shahri markazida yuz bergan fojia oqibatida ko‘plab insonlar halok bo‘lgani munosabati bilan Koreya Respublikasi Prezidenti Yun Sok Yolga ta’ziya yo‘lladi.
Davlat rahbari qurbon bo‘lganlarning oila a’zolari va yaqinlariga hamdardlik bildirdi, jarohat olganlar tez fursatda sog‘ayib ketishlarini tiladi.
Eslatib o‘tamiz, kecha Janubiy Koreya poytaxti Seul shahrida Xullouin bayrami vaqtida yuz bergan tiqilinch sabab odamlar ommaviy ravishda bo‘g‘ila boshlagan va ko‘plab insonlar yurak hurujiga uchragan. Fojia oqibatida 151 kishi vafot etgan. Qurbonlar orasida chet el fuqarolari, jumladan, 1 nafar o‘zbekistonlik ham bor.
