Pxenyan Rossiyaga qurol yetkazib beryaptimi?
Shimoliy Koreya AQSHni mish-mish tarqatishda aybladi.
Shimoliy Koreya Rossiya Federasiyasiga hech qachon qurol-yarog‘ yetkazib bermaganini aytmoqda. Bu haqda “Yonhap” nashri xabar berdi
“Biz ilgari hech qachon Rossiyaga qurol yoki o‘q-dori eksport qilmaganmiz va eksport qilishni ham rejalashtirmayapmiz”, — deyiladi KXDR Mudofaa vazirligi bayonotida.
Shuningdek, vazirlik KXDR qurol ishlab chiqarish, eksport va import qilish huquqiga ega ekanini bildirgan.
Eslatib o‘tamiz, “The New York Times” AQSH razvedkasining maxfiy ma’lumotlariga tayanib, Rossiya Shimoliy Koreyadan millionlab artilleriya snaryadlari va raketalarini sotib olayotgani haqida xabar bergan edi.
