Pxenyan BMT Bosh kotibini tanqid qildi
Mamlakat rasmiylari Gutterishni “mavqeyiga putur yetkazadigan soʻzlar”dan tiyilishga chaqirgan.
Shimoliy Koreya Tashqi ishlar vazirligi BMT KXDR suverenitetiga tajovuz qilayotganini, mamlakatda yadro qurolini butunlay yoʻq qilish tarafdori ekanini aytdi. Bu haqda Shimoliy Koreyaning KCNA axborot agentligi maʼlum qildi.
Ushbu bayonot BMT Bosh kotibi Antoniu Guterrishning Shimoliy Koreyani toʻliq yadrosizlanishiga sodiqligi haqidagi soʻzlariga javoban berildi.
Shimoliy Koreya rasmiylariga koʻra, BMT bosh kotibi “xalqaro amaldor sifatidagi mavqeyiga putur yetkazishi mumkin boʻlgan” har qanday harakat va soʻzlardan oʻzini tiyishi kerak.
Shimoliy Koreya bu yil 30 dan ortiq ballistik raketalarni sinovdan oʻtkazdi. Bundan tashqari, Seul va Vashington rasmiylari KXDR yana yadro qurolini sinovdan oʻtkazishga tayyorlanayotgan boʻlishi mumkinligini taxmin qilmoqda.
