BMT Suriyaga oziq-ovqat yordamini kamaytirmoqda
Bu Ukrainadagi inqiroz sabab global miqyosda narxlarning oshishi bilan bog‘liq.
BMTning Jahon oziq-ovqat dasturi may oyidan boshlab Suriyaning shimoli-g‘arbiy qismidagi hududga hayotni saqlab qoluvchi oziq-ovqat yordami yuborishni kamaytiradi.
Bunga Ukrainadagi urush va Suriyadagi iqtisodiy inqiroz tufayli kuchaygan moliyalashtirish cheklovlari va oziq-ovqat narxining keskin ko‘tarilishi sabab bo‘lgan.
Endi muhtoj oilalar BMT agentligidan bir xil miqdorda o‘simlik yog‘i, bug‘doy uni, tuz va shakar oladi. Yasmiq, no‘xat, guruch va bulg‘or kabi mahsulotlar miqdori qisqartiriladi.
Ma’lumot uchun: Ukrainada urush boshlanganidan beri Suriyada o‘simlik yog‘i narxi 39 foizga, bug‘doy uni esa 10 foizga oshgan.
